Qazime Xhindi

Jam avokate e licencuar dhe anëtare e Dhomës Vendore të Avokatisë Tiranë. Prej 3 vitesh jam pjesë e Studios Ligjore “XHINDI”, e cila prej 15 vjetësh ofron shërbime të konsoliduara edhe në fushën penale. Nga eksperienca ime 4-vjeçare si avokate e pavarur dhe e Ndihmës Juridike Dytësore, unë personalisht, si pjesë e Studios ligjore, ofroj këshillim ligjor, hartim aktesh dhe përfaqësim në të gjitha shkallët e gjykimit, duke mbuluar me kompetencë çështjet civile (pronësi, familjare, trashëgimi, largime nga puna) dhe ato administrative (pensione, sigurime shoqërore, konflikte me administratën). 

Gjithashtu, asistoj qytetarët shqiptarë dhe të huaj me problematikat e legjislacionit të emigracionit dhe lejeve të qëndrimit. Prej më shumë se 3 vitesh ofroj me mirënjohje ndihmë juridike falas (Pro-Bono) për individët në nevojë.

Synoj dhe besoj me vendosmëri që drejtësia nuk është një luks, por një e drejtë universale e lindur me secilin prej nesh në këtë dimension ku jetojmë, kështu, si e tillë, është edhe një mision.

Në ditët e sotme, me zhvillimin edhe të teknologjisë, mundësitë për informim dhe ndihmë reale nuk kanë më barriera.

Si rrjedhojë, është detyrim absolut i yni, jo vetëm një e drejtë, që (në pozicionin e mbrojtësit apo të të mbrojturit qofshim) të mos heshtim, por ta kërkojmë me besim, mirënjohje dhe pa paragjykime, çfarë na përket me të drejtë.

Informacion i rëndësishëm

• Ofron ndihmë juridike falas për individët në nevojë.
• Ofron këshillim, hartim aktesh dhe përfaqësim në të gjitha shkallët e gjykimit.
• Fushat kryesore: e drejtë civile, administrative, familjare, pronësie, pune, emigracioni dhe të drejtat e fëmijës.
• Asiston për çështje pensioni, sigurimesh shoqërore, trashëgimie, lejesh qëndrimi dhe konfliktesh me administratën.
• Gjuhët: Italisht